Matatagpuan ko rin ang aking hinahanap
Patuloy lang ang lakbay kahit ito ay mailap
Pasasaan din makakamit aking pangarap
Lahat ay gagawin kahit na ako'y maghirap
Payapang ilog at ibong nagaawitan
Panandaliang ako ay inyong nilibang
Tila ramdam nyo aking dinaramdam
Sa dapithapon lungkot ang hapunan
lalim ng gabi katahimikang nakakabingi
Patak ng luha di ko manlang maikubli
Sabik sa halik at yakap ng aking napili
naglaho at lumipad na parang kalapati
Alam kung di ka na babalik sa aking piling
Tanging alaala mo na lamang aking kasiping
Masasayang tagpo na di maihahambing
Malungkot na isipin sabik sa iyong lambing
Tanging larawan mo dala ko sa tuwina
Nanunumbalik aking ngiti kapag nakikita
Tanging yakap ko kapag ako'y namamahinga
Di maiwasan mapatakan ka ng aking luha
-makatang singkit-
