ဒီနေ့ ပန်းအိုးတစ်လုံးနဲ့ စာအုပ်နှစ်အုပ်ပုံကို ခဲတံဖြင့် အဖြူရောင်စက္ကူပေါ်မှာ ဆွဲထားပါတယ်။ ထိုပန်းအိုးကို စာအုပ်တွေပေါ်မှာ တင်ထားတဲ့ပုံပါ။ ယခင်ကလည်း စာအုပ်နဲ့ ပန်းပုံ၊ စာအုပ်နဲ့ပန်းသီးပုံလေးတွေဆွဲထားဖူးပါတယ်။ထိုပုံမှာပန်းအိုးကိုဆွဲရတာအရမ်းမခက်ခဲပေမဲ့၊ စာအုပ်တွေကို သဘာဝကျစေရန်ဆွဲရတာက အနည်းငယ်ခက်ခဲပါတယ်။
ပထမဆုံးစာအုပ်နှစ်အုပ်ကိုဆွဲပါတယ်။နောက်တစ်ဆင့်မှာ ပန်းအိုးကိုဆွဲ၍ ပန်းပုံစံများအတွက်စက်ဝိုင်းများကို ပထမဆုံးဆွဲပါတယ်။
ဒီအဆင့်မှာ ပန်းများကို ဆွဲ၍ ပန်းအဖူးနှစ်ခုကိုလည်း ဆွဲပါတယ်။ ပွင့်ဖတ်တွေပေါ်မှာ မျဥ်းများကို ပုံအတိုင်းထပ်မံပေါင်းထည့်၍ ခဲခြစ်ပါတယ်။ ပန်းအိုးပေါ်မှာလည်းခဲခြစ်၍ အောက်ခြေမှာအရိပ်ပုံစံကိုခဲခြစ်ပါတယ်။ စာအုပ်တွေမှာလည်းလိုအပ်တဲ့မျဥ်းများကိုထပ်မံဆွဲ၍ ခဲခြစ်ပါတယ်။ စာအုပ်ရဲ့ အရိပ်ကိုလည်း ခဲခြစ်ပါတယ်။
ထိုပုံက လှပြီး နှစ်သက်စရာကောင်းတယ်လို့ထင်ပါတယ်။ ပုံလှလှလေးတွေလည်းရိုက်ထားပါတယ်။
May 16, 2025
